- რას ნიშნავს მოლაპარაკება, როგორ მოვილაპარაკოთ, რომ კონფლიქტამდე საქმე არ მივიდეს, ვინ არის ფასილიტატორი - ამ საკითხებზე გაიმართა ვორკშოპები ფოთში, თერჯოლასა და ზუგდიდში ახალგაზრდების ჯგუფებთან.

მუშაობისას გამოყენებული იყო როლური სავარჯიშოები. მონაწილეები იმიტირებული წარმოდგენებით ცდილობდნენ მოლაპარაკებათა პროცესის წარმართვას, მედიატორის როლისა და ფუნქციის გათავისებას. ისინი თვლიან, რომ მიღებული ინფორმაცია საშუალებას მისცემს, პრაქტიკაში ეფექტურად აწარმოონ მოლაპარაკება და შეძლონ კონფლიქტების მართვა.

ფონდი „სოხუმის“ ქალთა საინიციატივო ჯგუფის წევრები სოფელ კოკში(ზუგდიდის მუნიციპალიტეტი) შეიკრიბნენ. მონაწილეებმა სამოქმედო გეგმას გადახედეს და ადვოკატირების ეტაპებზე იმსჯელეს. ამ ეტაპზე საინიციატივო ჯგუფი სოფელ ხურჩაში (ზუგდიდის მუნიციპალიტეტი) ამბულატორიული ცენტრის გახსნას უწევს ადვოკატირებას. პრობლემა კონფლიქტურ სიტუაციებს ქმნის თემის წევრებს შორის და ადრეული პრევენციის მიზნით ამ საკითხის დადებითად გადაჭრა განსაკუთრებითპრიორიტეტულია. 

ჯგუფის მოდერატორმა მონაწილეებს გააცნო ადგილობრივი ხელისუფლების წარმომადგენლებთან შეხვედრით მიღებული ინფორმაცია. მისი თქმით, ზუგდიდის მუნიციპალიტეტის მერია ამ საკითხს უკვე განიხილავს.

ზუგდიდის მუნიციპალიტეტის მერიის სხდომათა დარბაზში გაიმართა სამოქალაქო ფორუმი, რომელსაც ესწრებოდნენ სამეგრელო-ზემო სვანეთის გუბერნიის, ზუგდიდის მუნიციპალიტეტის მერიის და საკრებულოს წარმომადგენლები, არასამთავრობო სექტორისა და სამოქალაქო საზოგადოების აქტივისტები.

„ჩვენთან არსებობს გენდერული თანასწორობის საბჭო, რომლის მიზანია ეფექტური გენდერული პოლიტიკის შექმნა. ამ პროცესში თქვენი ჩართულობა მნიშვნელოვანია და მზად ვართ თანამშრომლობისთვის,“ - აღნიშნა საკრებულოს თავმჯდომარემ მამუკა წოწერიამ.

ფორუმის მონაწილეებმა ჯგუფებში იმუშავეს იმაზე, თუ როგორ უნდა მოხდეს გაეროს რეზოლუცია 1325-ის ეროვნული სამოქმედო გეგმის ადგილობრივ დონეზე იმპლემენტაცია და კონფლიქტის გამყოფ ხაზთან მცხოვრები ქალებისა და გოგონების საჭიროებების ასახვა. ბოლოს შეიქმნა ათკაციანი სამუშაო ჯგუფი, რომელიც ამ მიმართულებით მუშაობას განაგრძობს.

ფორუმი ჩატარდა პროექტის „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის მარგინალური ჯგუფების ჩართვა და დიალოგის გააქტიურება“ ფარგლებში.

პროექტს ახორციელებს ქალთა არასამთავრობო ორგანიზაციების კოალიციური გაერთიანება: იძულებით გადაადგილებულ ქალთა ასოციაცია „თანხმობა“ (თბილისი), ქალთა საინფორმაციო ცენტრი (თბილისი) და კულტურულ-ჰუმანიტარული ფონდი ,,სოხუმი“ (ქუთაისი).

2 ნოემბერს ჩატარდა მე-8 გაკვეთილი-ტრენინგი, რომელიც ხორციელდება ფონდი „სოხუმის“ პროექტის „ძალადობის გარეშე ნაბიჯ-ნაბიჯ მშვიდობის შენებისთვის“ ფარგლებში.

გაკვეთილი ჩატარდა აფხაზეთის ავტონომიური რესპუბლიკის ჟიული შარტავას სახელობის მეექვსე საჯარო სკოლაში (ქუთაისი). ის კონფლიქტის შესაძლო შედეგების განხილვას დაეთმო. კონკრეტული პრაქტიკული სავარჯიშოების დახმარებით მოსწავლეები გაერკვნენ, თუ რა შედეგები შეიძლება მოყვეს კონფლიქტს. თემამ მონაწილეებში დიდი ინტერესი გამოიწვია.

კოალიციური გაერთიანება - იგპ ქალთა ასოციაცია „თანხმობა“, ქალთა საინფორმაციო ცენტრი და კულტურულ-ჰუმანიტარული ფონდი „სოხუმი“ - მუშაობას იწყებს პროექტზე „გაეროს რეზოლუცია 1325-ის, ეროვნული სამოქმედო გეგმის ადგილობრივ დონეზე ლოკალიზების პროცესში ადგილობრივი და რეგიონალური ადმინისტრაციების პოტენციალის გაძლიერება და ამ პროცესში ქალთა, მათ შორის ყველაზე მარგინალური ჯგუფების, ჩართვა და დიალოგის გააქტიურება“ (გაეროს ქალთა ორგანიზაციის მხარდაჭერით).

პროექტის მიზანია, გენდერული თანასწორობის დამკვიდრების, ქალთა გაძლიერების, კონფლიქტების პრევენციისა და მშვიდობის დამყარების თვალსაზრისით 2018-20 წლების ეროვნული სამოქმედო გეგმის პოპულარიზება ადგილობრივ დონეზე და სხვადასხვა ჯგუფის საჭიროებების ასახვა.

პროექტის ფარგლებში იგეგმება სამოქალაქო ფორუმები, ტრენინგები, საინფორმაციო შეხვედრები, კონფერენცია - ეს აქტივობები ხელს შეუწყობს ადგილობრივ დონეზე დიალოგის გააქტიურებას და საზოგადოების სხვადასხვა ჯგუფის ჩართვას ამ პროცესში.

ოქტომბერში ჩატარდა სამი სამუშაო შეხვედრა დასავლეთ საქართველოს სამიზნე მუნიციპალიტეტებში: ზუგდიდი, წალენჯიხა, წყალტუბო.  

პროექტი ხორციელდება აშშ სახელმწიფო დეპარტამენტის და გაეროს ქალთა ორგანიზაციის მხარდაჭერით

პროექტის„ძალადობისგარეშენაბიჯ-ნაბიჯმშვიდობისშენებისთვის“ ფარგლებშიმე-7გაკვეთილი-ტრენინგი 29 ოქტომბერსჩატარდა. მოსწავლეებმაგანიხილეს სახელმძღვანელოში აღწერილი კონფლიქტები და მათი განვითარების სტადიები. ნაწილმადახატაკონფლიქტი და მისი დადებითი მოგვარების გზა, ნაწილმა კი მოამზადაკონფლიქტისდადებითიმოგვარებისინსცენირება.

მეშვიდე გაკვეთილი, ისევე როგორც წინა ექვსი, ჩატარდა აფხაზეთის ავტონომიური რესპუბლიკის ჟიული შარტავას სახელობის მეექვსე საჯარო სკოლაში (ქუთაისი).

ხონის, ფოთის და ქუთაისის მუნიციპალიტეტებში ვაჟებთან მუშაობაშეაჯამეს. შემაჯამებელი შეხვედრების მთავარი მიზანი იყო, ვაჟებს გაეკეთებინათ მოხსენებები და ეჩვენებინათ, რამდენად კარგად ერკვევიან განვლილ საკითხებში. ისინი თამამად წარსდგნენ ერთმანეთის წინაშე და გაუზიარეს მნიშვნელოვანი ინფორმაცია. შეხვედრების ბოლო ნაწილი დაეთმო უკუკავშირს და ჯგუფურ სავარჯიშოს. ვაჟებს სურვილი აქვთ, ოჯახის წევრებსა და მეგობრებსგაუზიარონ თავიანთი ცოდნა.

მე-6 გაკვეთილიკონფლიქტისესკალაციისსტადიებისშესწავლასდაეთმო.პროექტის „ძალადობისგარეშენაბიჯ-ნაბიჯმშვიდობისშენებისთვის“ფარგლებში მუშაობა წარიმართა აფხაზეთის ავტონომიური რესპუბლიკის ჟიული შარტავას სახელობის მეექვსე საჯარო სკოლაში (ქუთაისი). პრაქტიკული სავარჯიშოების შესრულების შემდეგ მოსწავლეებმა აღნიშნეს, რომ უკეთესია კონფლიქტური სიტუაცია ესკალაციამდე არ მიიყვანო...

პროექტი ხორციელდება  არასამთავრობო ორგანიზაციის „ქალები განვითარებისთვის“ მხარდაჭერით (სომხეთი)

საერთაშორისო ორგანიზაცია Kvinna till Kvinna-ს მხარდაჭერით ფონდი „სოხუმის“ ოფისში ოთხდღიანი ტრენინგი გაიმართა თემაზე „კონფლიქტების ადრეული პრევენციის გენდერული სისტემა“. მონაწილეობდნენ ფონდი „სოხუმის“ წარმომადგენლები, ქალთა საინიციატივო ჯგუფის წევრები ქუთაისიდან  წყალტუბოდან, ზუგდიდიდან.  ტრენინგი ჩაატარა ესპანეთიდან მოწვეულმა ტრენერმა ფელიპ დაზა სიერამ.

- კონფლიქტების ადრეული რეაგირების სისტემების განსაზღვრა, შიდა და გარე ანალიზი. მონაცემების სისტემატიზაცია და გამოყენება. ადვოკატირება, საჯარო სტრუქტურებთან ურთიერთობა, - თითოეული საკითხის განხილვა პრაქტიკული სავარჯიშოებით, კონკრეტული ქეისების  განხილვით მიმდინარეობდა. ამან პროცესი საინტერესო და ეფექტური გახადა.

მონაწილეთა საერთო შეფასებით, ეს იყო საჭირო და აუცილებელი ტრენინგი. მიღებული ინფორმაციები თითოეული მათგანის პრაქტიკულ საქმიანობაში ჰპოვებს ასახვას, რაც კონფლიქტების ადრეული პრევენციის მიზნით მნიშვნელოვანია.

„ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ კანონის მონიტორინგის ფარგლებში, ოქტომბერში ჩატარდა 2 ფოკუს-ჯგუფი თერჯოლისა და წყალტუბოს მუნიციპალიტეტის პედაგოგებთან და ჩაღრმავებული ინტერვიუ ლანჩხუთის რესურს ცენტრის ხელმძღვანელთან. ასევე, გამოთხოვილ იქნა ინფორმაცია საქართველოს განათლების, მეცნიერების, კულტურის და სპორტის სამინისტროსგან ამ მიმართულებით მათი საქმიანობის შესახებ. მონიტორინგის მიზანი იყო განათლების სამინისტროს ჩართულობის დონის განსაზღვრა კანონის იმპლემენტაციაში. შეხვედრებზე გამოიკვეთა რიგი რეკომენდაციები. დინამიკიდან კი ჩანს, რომ წინა წლებთან შედარებით სამინისტრო ბევრად აქტიურად არის ჩართული ფაქტების გამოვლენაში.