ქალთა ფონდი „სოხუმის“ დევნილ ქალთა და გოგონათა საერთო ქსელის „მშვიდობის ელჩი ქალებისა და ახალგაზრდა ქალების ქსელის“ ფარგლებში პროექტით გათვალისწინებული ინიციატივები განხორციელდა ხუთ მუნიციპალიტეტში: სენაკში, წყალტუბოში, ხონში, ზუგდიდსა და ქუთაისში.
პროცესში აქტიურად ჩაერთნენ ქალთა ჯგუფის ლიდერი ქალები, აქტივისტები, თემის მცხოვრებლები. ინიციატივები განხორციელდა ადგილობრივი თემის ადამიანური რესურსით.
პროექტი ხორციელდება გაეროს ქალთა ორგანიზაციის
მხარდაჭერით
წარმოდგიდგენთ ჩვენს ახალ სიუჟეტს, სადაც ასახულია ქალთა ფონდი „სოხუმის“ მუშაობა ქალთა როლის, ჩართულობის გაძლიერებისა და ქალთა მიმართ ოჯახში ძალადობის საკითხებზე. ჩვენ 20 წელზე მეტია აქტიურად ვმუშაობთ დასავლეთ საქართველოს ათ მუნიციპალიტეტში: ქუთაისი, წყალტუბო, ხონი, თერჯოლა, სამტრედია, ჩოხატაური, ზუგდიდი, სენაკი, წალენჯიხა, ხობი.
ნახატები თემაზე „ოჯახი“ - ხატვის გაკვეთილებზე, მოკლემატრაჟიანი ფილმის ნახვა ძალადობის წრეზე და მინიაქცია „ძალადობა ბოროტებაა“ ქართული ენის გაკვეთილზე - ასე ჩაერთნენ მოზარდები საერთაშორისო კამპანიაში „16 აქტიური დღე ქალთა მიმართ ძალადობის წინააღმდეგ“. ეს ბავშვები რუსეთ-უკრაინის ომის გამო დროებით ქუთაისში ცხოვრობენ და მათთვის ქალთა ფონდ „სოხუმში“ სხვადასხვა კურსი მოქმედებს. კამპანიას მასწავლებლების და ასისტენტების ინიციატივით ქართული ენის და ხატვის კურსების მონაწილეები გამოეხმაურნენ. ბავშვების თქმით, ძალადობა მართლაც ბოროტებაა და ყოველთვის ხმა უნდა ავიმაღლოთ ძალადობის წინააღმდეგ, რათა ოჯახში სიმშვიდე და ჰარმონია იყოს.
პროექტი ხორციელდება ჩეხური ორგანიზაცია „ადამიანი გაჭირვებაში“
PIN მხარდაჭერით
ხონის, წყალტუბოს, ვანის, ზუგდიდის და სამტრედიის ქალთა მხარდაჭერის ცენტრების ქალებთან ქალთა ფონდი „სოხუმის“ ფსიქოლოგმა ონლაინ გამართა სამი ინდივიდუალური და ორი ჯგუფური შეხვედრა. შეხვედრის პროცესში მონაწილეები გამოირჩეოდნენ აქტიურობით, გულახდილობით, გამოხატავდნენ ნდობას. ისინი ხმამაღლა საუბრობდნენ არსებულ პრობლემებზე და ითვალისწინებდნენ მათთვის მიცემულ რჩევებს.
საკმაოდ რთული ქეისებია ვანისა და სამტრედიის მუნიციპალიტებებში. აღინიშნა, რომ მათ ოჯახებში შეინიშნება ძალადობის ზრდის ტენდენცია, აქვთ ურთიერთობების პრობლემები. ერთ-ერთ ქალს, რომელიც სახლიდან წავიდა, საკუთარი ოჯახის წევრები აიძულებენ, რომ დაბრუნდეს ქმართან ცნობილი მოტივით: „რას იტყვის ხალხი?“, „სირცხვილია“, „მოგვეჭრა თავი“ და ა.შ.
ახლოვდება ახალი წელი და ქალები ცდილობენ პოზიტიურად, იმედით და სიხარულით შეხვდნენ 2025 წლის შემობრძანებას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქუთაისის და ხონის ქალთა და ახალგაზრდული ჯგუფები წევრები აქტიურად შეუერთდნენ 16 დღიან საერთაშორისო კამპანიას ძალადობის წინააღმდეგ. მათ სხვადასხვა აქტივობით გამოხატეს თავიანთი დამოკიდებულება და კიდევ ერთხელ, ერთხმად უთხრეს ძალადობას ,,არა,,!
სენაკისა და წყალტუბოს საინიციატივო ჯგუფები აქტიურად იყვნენ ჩართული ძალადობის წინააღმდეგ საერთაშორისო კამპანიაში. 16-დღიანი კამპანიის ფარგლებში ჯგუფების მიერ სხვადასხვა ფორმატის აქტივობები ჩატარდა. საინფორმაციო შეხვედრებზე, ვორკშოპებზე, დებატებზე მთავარი განსახილველი თემა ქალთა მიმართ ძალადობა და პრევენციული მექანიზმები იყო მონაწილეებმა აღნიშნეს, რომ აუცილებელია საზოგადოებას უფრო მეტი ინფორმაცია მიეწოდოს, რა მექანიზმები არსებობს ძალადობის მსხვერპლთა დახმარების კუთხით. საჭიროა გაიზარდოს საზოგადოების ინფორმირება და ჩართულობა პრობლემის პრევენციისა და მსხვერპლთა დახმარების საქმეში.
წალენჯიხის მუნიციპალიტეტის სოფელ ფახულანის ქალთა საინიციატივო ჯგუფის წევრებმა, საერთაშორისო კამპანიის ფარგლებში,როგორც ქალებთან,ასევე სკოლის მოსწავლეებთან შეხვედრა გამართეს.მონაწილეებმა სახელმწიფო პროგრამების შესახებ ინფორმაცია მიიღეს .აღინიშნა,რომ მნიშვნელოვანია მათზე ხელმისაწვდომობა და საზოგადოების ინფორმირებულობა. ორგანიზატორებმა ისაუბრეს ძალადობის ფორმებსა და პრევენციული მექანიზმების შესახებ.მსგავსი შეხვედრები ,სხვადასხვა მხარის მონაწილეობით, ხელს უწყობს გლობალური პრობლემის აღმოფხვრის გზების ძიებას და ამ პროცესში საზოგადოებასთან ერთად ადგილობრივი თვითმმართველობის ჩართულობას.
ზუგდიდის მუნიციპალიტეტის სოფლების დიდინეძისა და კოკის ქალთა და ახალგაზრდული ჯგუფების წევრები უერთდებიან ძალადობის წინააღმდეგ 16 დღიან საერთაშორისო კამპანიას . საერთაშორისო კამპანიის ფარგლებში გაიმართა საინფორმაციო შეხვედრები,ვორკშოპები,სადაც საუბარი შეეხო ძალადობის მსხვერპლთა დახმარების კუთხით ქალთა ინფორმირებულობის გაზრდის მნიშვნელობას, პრევენციული ზომების ამოქმედების აუცილებლობას,სახელმწიფო სერვისებზე ხელმისაწვდომობას.16 დღიან საერთაშორისო კამპანიაში საქართველოსთან ერთად უამრავი ქვეყანაა ჩართული,რაც იმის მაჩვენებელია,რომ საკითხი ჯერ კიდევ აქტუალურია და მასთან ბრძოლის მთავარი მექანიზმი პრობლემის წინააღმდეგ საზოგადოების გაერთიანებაა.
გენდერული ძალადობის წინააღმდეგ 16-დღიანი გლობალური აქტივიზმის ფარგლებში ჩვენმა წარმომადგენელმა ლინდა ჩიხლაძემ ტექნოლოგიების გამოყენებით ჩადენილი გენდერული ნიშნით ძალადობის (TFGBV) შესახებ ჩაატარა ვორკშოპი თბილისის პირველი სამედიცინო სასწავლებლის საექთნო განათლებისა და ფარმაციის პროფესიული სტუდენტებისთვის. ღონისძიებას ასევე ესწრებოდნენ პროფესიული განათლების მასწავლებლები და ადმინისტრაციის წევრები.
ვორკშოპის ძირითად სამუშაო თემებს წარმოადგენდა: ონლაინ სივრცეში ქალთა მიმართ ძალადობის ყველაზე გავრცელებული ფორმების მიმოხილვა, კიბერუსაფრთხოება და თავდაცვის მექანიზმები.
„ჩვენი სასწავლებლის ქალები და გოგონები აღიჭურვენ ორგანიზებული ცოდნით, რაც ონლაინ სივარცეში ჩადენილი ქალთა მიმართ ძალადობის პრევენციისთვის მნიშვნელოვანია. ჩვენ მაქსიმალურად მოწადინებულები ვართ, რომ მსგავსი არაფორმალური განათლებით შევავსოთ ის ცოდნა და უნარები, რასაც ფორმალური განათლებით იღებენ ჩვენი სტუდენტები და ისინი მაქსიმალურად ძლიერები იყვნენ არა მხოლოდ პროფესიულ ცხოვრებაში, პირადი ინფორმაციის დაცვის კუთხითაც“, - განაცხადა ანა ჯავახიშვილმა, დირექტორის მოადგილემ სასწავლო მიმართულებით.
გოგოლესუბანი - არის ასეთი პატარა სოფელი ჩოხატაურის მუნიციპალიტეტში. აქაური ქალების თხოვნით, ჩვენმა ორგანიზაციამ ჩამოაყალიბა ჭრა-კერვის კურსები და მასწავლებლად მოიწვია მათი თანასოფლელი მკერავი ნანა გოგოლაძე.
ქალებმა დიდი მონდომებით გაიარეს ორთვიანი საბაზისო კურსი. ყველა მათგანი კმაყოფილია მიღებული ცოდნით და კურსების გაგრძელებას ითხოვენ.
ბოლო მეცადინეობაზე კურსდამთავრებულების ნამუშევრების გამოფენა მოეწყო და მათ სერტიფიკატები გადაეცათ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)