შეხვედრები (646)
შეხვედრები – ამ კატეგორიაში განთავსებულია ცნობები საინფორმაციო შეხვედრების შესახებ ფონდი „სოხუმის“ პროექტების ფარგლებში - შეხვედრები ბენეფიციარებთან, სახელმწიფო სტრუქტურების, ადგილობრივი და საერთაშორისო არასამთავრობო ორგანიზაციების წარმომადგენლებთან.
წყალტუბოს ქალთა მხარდაჭერის ცენტრი ფონდი „სოხუმის“ დაფინანსებით ახორციელებს პროექტს „ცოდნით ვძლიოთ ძალადობას“. პროექტის ფარგლებში ჩატარდა საინფორმაციო შეხვედრები ადგილობრივი თვითმმართველობის წარმომადგენლებთან, საკრებულოსა და გამგეობაში. მათ მიიღეს ინფორმაცია პროექტის ფარგლებში საინფორმაციო-საგანმანათლებლო მუშაობაზე სოფელ ხომულსა და სოფელ წყალტუბოში.
ადგილობრივი თვითმმართველობის წარმომადგენლებმა გამოხატეს მხარდაჭერა ჩასატარებელი ღონისძიებების განხორციელებაში.
ფონდმა „სოხუმმა“ ქალთა მხარდაჭერის ცენტრებისთვის აპრილში გამოაცხადა საგრანტო კონკურსი. მაისში წარმოდგენილი იქნა 6 საპროექტო განაცხადი. კომისიამ ექვსივე განაცხადს დაუჭირა მხარი. პროექტების განხორციელება 1 ივნისიდან დაიწყო. ყველა პროექტი აქტუალური და საინტერესოა:
წყალტუბოს ქალთა მხარდაჭერის ცენტრი - „ცოდნით ვძლიოთ ძალადობას“ -საინფორმაციო-საგანმანათლებლო მუშაობა საზოგადობასთან წყალტუბოს მუნიციპალიტეტის ორ სოფელში
ქუთაისის ქალთა მხარდაჭერის ცენტრი - „მდიდარი წარსულიდან - მდიდარი მომავლისაკენ“ - 20 ივნისს დევნილთა და იძულებით ადგილნაცვალ პირთა საერთაშორისო დღისადმი მიძღვნილი გამოფენის ორგანიზება
ხონის ქალთა მხარდაჭერის ცენტრი - „ინფორმირებული ქალები ცვლიან მომავალს“ - მუნიციპალიტეტის სამ სოფელში საინფორმაციო-საგანმანათლებლო მუშაობა და ტრენინგი სოფლის რწმუნებულებისთვის
სენაკის ქალთა მხარდაჭერის ცენტრი - „ინფორმირებული ახალგაზრდები ქალთა მიმართ ძალადობის წინააღმდეგ“ - სენაკის მუნიციპალიტეტის ორი სოფლის ახალგაზრდებთან საინფორმაციო, სამობილიზაციო და საგანმანათლებლო მუშაობა და ახალგაზრდების ინიციატივების მხარდაჭერა
ფოთის ქალთა მხარდაჭერის ცენტრი - „ძალადობის პრევენცია ჯანსაღი ცხოვრების წესის პოპულარიზებით“ - სპორტული შეჯიბრების ორგანიზება
ხურჩის (ზუგდიდის მუნიციპალიტეტი) ქალთა მხარდაჭერის ცენტრი - „ოჯახი ძალადობის გარეშე“ - ზუგდიდის მუნიციპალიტეტის სოფლებში საგანმანათლებლო-საინფორმაციო მუშაობა
პროექტები აქტიურ ფაზაშია, მუშაობა დაწყებულია და კიდევ ერთხელ გვინდა, წარმატება ვუსურვოთ ქალთა მხარდაჭერის ცენტრებს!
14 ივნისს, ხონის საკრებულოს სხდომათა დარბაზში პროექტის „სოციალური დაცვის საკითხებზე მომუშავე არასამთავრობო ორგანიზაციების ჩართულობის გაძლიერება სტრატეგიულ დიალოგში - საქართველოში“ ფარგლებში მუციპალიტეტის მრჩეველთა საბჭოს მორიგი სხდომა გაიმართა. საბჭოს წევრებმა მუნიციპალიტეტში სოციალური მომსახურების ხელმისაწვდომობისა და საჭიროებების კვლევასთან დაკავშირებული საკითხები განიხილეს.
პროექტის მენეჯერმა შეხვედრის მონაწილეებს კვლევის კონცეფცია და სამიზნე ჯგუფების შერჩევის სპეციფიკა გააცნო. ითქვა, რომ სწორად განსაზღვრული კრიტერიუმები კვლევის მიზნების წარმატებით განხორციელების საწინდარია.
შეჯერდა კვლევების დრო და ადგილი, ჩართული სოციალური ჯგუფები და პასუხისმგებელი პირები, ასევე - ოპტიმალური ადგილი ფოკუს-ჯგუფის შეხვედრების ჩატარებისათვის.
გამოითქვა იმედი, რომ კვლევის შედეგად მიღებული ინფორმაცია იქნება კარგი პლატფორმა სოციალური ჩართულობის ადგილობრივი სტრატეგიის შესამუშავებლად.
პროექტი დაფინანსებულია ევროკავშირის მიერ და მას ახორციელებს ჩეხური ორგანიზაცია „ადამიანი გაჭირვებაში“ (PIN). ხონში პროექტის პარტნიორია არასამთავრობო ორგანიზაცია „ფონდი სოხუმი“.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით
სამობილიზაციო შეხვედრები ქალთა მხარდაჭერის ცენტრების მობილიზატორებმა ჩაატარეს ქალაქებსა და სოფლებში.
33 სამობილიზაციო შეხვედრის თემატიკა მიეძღვნა ბავშვთა საერთაშორისო დღეს, ისაუბრეს ბავშვთა უფლებებზე, მათ მოვალეობებზე, პრობლემებზე. ყურადღება გამახვილდა ბავშვთა მიმართ ძალადობის შემთხვევებზე. აღინიშნა, რატომ არის მნიშვნელოვანი კარგი კომუნიკაცია ბავშვებთან.
სტარტი აიღო წყალტუბოს ქალთა მხარდაჭერის ცენტრის პროექტმა „ცოდნით ვძლიოთ ძალადობას“.
პროექტის ფარგლებში გაიმართა საინფორმაციო შეხვედრები სოფელ წყალტუბოში და გავრცელდა საინფორმაციო ბუკლეტები. ეს შეხვედრები ხელს უწყობს სოფლის მცხოვრებთა ინფორმირებას ძალადობის პრობლემასთან დაკავშირებით.
მაისში, ჩვეულებისამებრ, დატვირთული გრაფიკით გამოირჩეოდა ქუთაისის, ხონის, ფოთის, სენაკის, წყალტუბოს და ხურჩა/კოკის (ზუგდიდის მუნიციპალიტეტი) ქალთა მხარდაჭერის ცენტრების მუშაობა. ცენტრების მობილიზატორები მუდმივი თანამშრომლობის რეჟიმში არიან ბენეფიციარებთან.
სამობილიზაციო-საინფორმაციო შეხვედრების თემა იყო - ოჯახი, ოჯახის წევრების უფლებები და ვალდებულები, ოჯახური კონფლიქტები და მედიაცია, ოჯახში ძალადობის ფაქტები, ძალადობის გავლენაზე ბავშვთა ფსიქო-ემოციურ მდგომარეობაზე.
საინფორმაციო შეხვედრების დროს მონაწილეებმა მიიღეს ინფორმაცია ადგილობრივი თვითმმართველობის პროგრამებსა და არსებულ სოციალურ პაკეტებზე.
ქუთაისის №17 ბიბლიოთეკაში ჩატარდა საინფორმაციო შეხვედრა, რომელსაც ესწრებოდნენ ბიბლიოთეკის თანამშრომლები და ახლომდებარე კორპუსების მცხოვრებლები. მოწვეული იყვნენ ძელქვიანის მუნიციპალიტეტის მაჟორიტარი დეპუტატი კახაბერ დვალიშვილი და ადგილობრივი თვითმმართველობის წარმომადგენლები.
შეკრებილებმა ისაუბრეს ყოფით და ბიბლიოთეკაში არსებულ პრობლემებზე.
ბატონმა კახაბერმა აღნიშნა, რომ მას ხშირად აქვს შეხვედრები თავის უბანში მცხოვრებ ადამიანებთან, მაგრამ ამ ტიპის შეხვედრა მისთვის მეტად საინტერესო აღმოჩნდა -მცირე აუდიტორიაში საჭირბოროტო და აქტუალურ საკითხებზე ისაუბრეს.
19 მაისს თერჯოლაში დასრულდა ბიზნეს-პროექტების კონკურსი პროექტის „ახალგაზრდებისგანვითარებაახალსაფეხურზე“ ფარგლებში. კონკურსის დაწყებამდე, ბიზნეს-პროექტების განხილვის მიზნით, შეიკრიბა კომისია, რომლის წევრები იყვნენ: დონორი ორგანიზაცია PIN-ის და ფონდი „სოხუმის“, ადგილობრივი სტრუქტურებისწარმომადგენლები, ახალგაზრდული სახლის დირექტორი. ქულები ობიექტურად განაწილდა. კონკურსის გამარჯვებულებად დასახელდნენ: ელისო ფანჩულიძე, ნიკოლოზ მემანიშვილი და ნანო მაკარიძე. საუკეთესო ბიზნეს-პროექტების ავტორებმა საჩუქრად მიიღეს პროექტის ფარგლებში შეძენილი კომპიუტერული ტექნიკა.
პროექტი ხორციელდება ჩეხური ორგანიზაცია „ადამიანი გაჭირვებაში“ მხარდაჭერით (დონორი - მსოფლიო ბანკი)
ქუთაისის გენდერული საკონსულტაციო საბჭოს მორიგ სხდომაზე მონაწილეებმა მოკლე ანგარიშები წარმოადგინეს სხვადასხვა სამიზნე ჯგუფთან ჩატარებულ კვლევებთან დაკავშირებით. ადგილობრივი გენდერული საჭიროებები და საზოგადოების სხვადასხვა ჯგუფის რეკომენდაციები - ამ კითხვებზე პასუხი კვლევის შედეგების ანალიზის შემდეგ გახდება ცნობილი.
შეხვედრაზე საბჭოს წევრებმა მოისმინეს ინფორმაცია მიმდინარე პროექტის ფარგლებში სტუდენტების ჯგუფთან გამართულ ტრენინგზე. საბჭოს მუშაობის გაცნობის მიზნით სხდომას პროექტში ჩართული სტუდენტებიც დაესწრნენ.
დღის წესრიგის მიხედვით, საბჭოს წევრებმა სხდომის დასასრულს დააფიქსირეს ახალი პროექტის იდეები, რომელთა ირგვლივ მუშაობა საინიციატივო ჯგუფში გაგრძელდება.
საინფორმაციო შეხვედრას ოზურგეთის №5 საჯარო სკოლაში პედაგოგები და მშობლები ესწრებოდნენ.
მშობლების უმეტესობას არ ჰქონდა ინფორმაცია ქალაქის ბიუჯეტის პროგრამების შესახებ. მათ გაუჩნდათ მოტივაცია, მეტი ინფორმაცია მიიღონ და გამოიყენონ ბიუჯეტით არსებული მხარდაჭერა.
პედაგოგებმა ისაუბრეს რიგ პრობლემებზე - სკოლა არ არის გაზიფიცირებული. სკოლამდე მისასვლელად პედაგოგებს უწევთ ორი ტრანსპორტით მგზავრობა. აღნიშნეს, რომ პირდებოდნენ უფასო მგზავრობის მოწმობებს, მაგრამ არ მიუღიათ. სწორედ ამ საკითხის ადვოკატირება გადაწყდა ამომრჩეველ ქალთა კლუბის მორიგ სხდომაზე.