თემაზე - ტოლერანტობის აღქმა მოზარდებში ძალადობის პრევენციისთვის - ახალგაზრდული კლუბის საინფორმაციო შეხვედრები ჩატარდა ხონში, სენაკში და ფოთში.

მონაწილეებმა საინტერესოდ ისაუბრეს თემის გარშემო. ზოგიერთმა მათგანმა აღნიშნა, რომ ტოლერანტულობა, ძირითადად, არის მარტო სიტყვები, რადგანაც ისინი ხშირად გამოხატავენ აგრესიებს, ვერ ითვალისწინებენ სხვა ეროვნებისა თუ სარწმუნოების ადამიანების საჭიროებებს და პრობლემებს.

ერთ-ერთმა მონაწილემ აღნიშნა: „მე მომეწონა ამ საკითხის დაკავშირება ძალადობის პრევენციასთან. ნამდვილად აქტუალური და სადისკუსიო თემაა.“

აქტიური საქმიანობა განაახლა ხობის ამომრჩეველ ქალთა კლუბმა. ეს შესაძლებელი გახდა აშშ საელჩოს ფინანსური მხარდაჭერით პროექტის „ქალთა აქტიური ჩართვა საქართველოს პოლიტიკურ ცხოვრებაში საარჩევნო პროცესის დემოკრატიზაციის გზით“ ფარგლებში.

შეხვედრაზე კლუბის წევრები გაეცნენ ინფორმაციას ახალი პროექტის მიზნებისა და ამოცანების, დაგეგმილი ღონისძიებების და მოსალოდნელი შედეგების, კლუბის წარსული საქმიანობის და ადგილობრივი პრობლემების წარმატებული ადვოკატირების შესახებ.

იმსჯელეს სამომავლო გეგმებზე, კერძოდ ტრენინგზე, რომელიც გაიმართება არჩევნების, პოლიტიკური სისტემისა და ქალთა როლის თემაზე. განიხილეს აგრეთვე საპარლამენტო არჩევნებში ქალ-კანდიდატთა მხარდასაჭერად მდუმარე აქციის ჩატარებასტან დაკავშირებული საორგანიზაციო საკითხები.

ხობელი ქალბატონები კმაყოფილებას გამოხატავენ იმის გამო, რომ კლუბი ხელახლა  გააქტიურდება და ერთად შეძლებენ არაერთი მნიშვნელოვანი პრობლემის მოგვარებას. 

პროექტი ხორციელდება აშშ საელჩოს მხარდაჭერით

ხონის საკრებულოს სხდომათა დარბაზში ჩატარდა ამომრჩეველ ქალთა კლუბის პირველი სხდომა. შეკრებილებმა  მიიღეს ინფორმაცია ახალი პროექტის „ქალთა აქტიური ჩართვა საქართველოს პოლიტიკურ ცხოვრებაში საარჩევნო პროცესის დემოკრატიზაციის გზით“ დაწყების, მიზნების და გათვალისწინებული აქტივობების შესახებ.

აღინიშნა მჭიდრო თანამშრომლობაზე ადგილობრივ თვითმმართველობასთან, პოლიტიკურ პარტიებთან და მედიასთან, რეკომენდაციების შემუშავებაზე და მათ ადვოკატირებაზე.

ქალბატონები მზად არიან აქტიური თანამშრომლობისთვის და სჯერათ, რომ პროექტის მეშვეობით სასიკეთო ცვლილებებს მოახდენენ მუნიციპალიტეტში.

პროექტი ხორციელდება აშშ საელჩოს მხარდაჭერით

პროექტის „ქალთა აქტიური ჩართულობა საქართველოს პოლიტიკურ ცხოვრებაში, საარჩევნო პროცესების დემოკრატიზაციის გზით“ ფარგლებში წყალტუბოში ჩამოყალიბდა ამომრჩეველ ქალთა კლუბი.

პირველ შეხვედრაზე კლუბის წევრებს მიეწოდათ ინფორმაცია პროექტის ფარგლებში დაგეგმილ ღონისძიებებზე, კლუბების მუშაობაზე სხვა ქალაქებში. მათ დაინახეს თავიანთი როლი ადგილობრივი პრობლემების გამოვლენისა და ადვოკატირებისთვის.

ამომრჩეველ ქალთა კლუბის წევრებმა გამოხატეს მზადყოფნა,  აქტიური მუშაობით ხელი შეუწყონ ადგილობრივი გენდერული პოლიტიკის დანერგვას.

პროექტი ხორციელდება აშშ საელჩოს მხარდაჭერით

სენაკის ქალთა მხარდაჭერის ცენტრში ჩატარდა ახალგაზრდული კლუბის  საინფორმაციო შეხვედრა თემზე - ეთიკის ნორმები და ადამიანის შინაგანი კულტურის ფორმირება, როგორც იარაღი ძალადობის პრევენციისთვის.

ჯგუფი თავიდანვე აქტიურად ჩაერთო მუშაობაში და ინტერესით გაეცნო განხილულ საკითხებს.

წყალტუბოში, კოლექტიურ ცენტრ „მედეაში“ და ქუთაისის ქალთა მხარდაჭერის ცენტრში ჩატარებული საინფორმაციო შეხვედრები მიეძღვნა თემას „ოჯახში ძალადობა და პრევენციული მიზეზები“.

შეხვედრის მონაწილეებმა მოიყვანეს მაგალითები, ისაუბრეს ძალადობის მიზეზებზე  და გამოსავალზე.

მსგავსი თემების განხილვით ახალგაზრდები ეჩვევიან საუბარს, დისკუსიის კულტურას და უყალიბდებათ შეურიგებელი დამოკიდებულება ძალადობის მიმართ.

სენაკის ქალთა მხარდაჭერის ცენტრში ჩატარდა ახალგაზრდული კლუბის  საინფორმაციო შეხვედრა თემზე - ეთიკის ნორმები და ადამიანის შინაგანი კულტურის ფორმირება, როგორც იარაღი ძალადობის პრევენციისთვის.

ჯგუფი თავიდანვე აქტიურად ჩაერთო მუშაობაში და ინტერესით გაეცნო განხილულ საკითხებს.

წყალტუბოში, კოლექტიურ ცენტრ „მედეაში“ და ქუთაისის ქალთა მხარდაჭერის ცენტრში ჩატარებული საინფორმაციო შეხვედრები მიეძღვნა თემას „ოჯახში ძალადობა და პრევენციული მიზეზები“.

შეხვედრის მონაწილეებმა მოიყვანეს მაგალითები, ისაუბრეს ძალადობის მიზეზებზე  და გამოსავალზე.

მსგავსი თემების განხილვით ახალგაზრდები ეჩვევიან საუბარს, დისკუსიის კულტურას და უყალიბდებათ შეურიგებელი დამოკიდებულება ძალადობის მიმართ.

ოზურგეთის დემოკრატიული ჩართულობის ცენტრში გამართულ ამომრჩეველ ქალთა კლუბის სხდომას ესწრებოდნენ ქალაქ ოზურგეთის საკრებულოს დეპუტატი ირინა საჯაია და გენდერული საკონსულტაციო საბჭოს  წევრები.

როგორც აღინიშნა, პროექტი დასრულდა. პროექტის ბოლოს შემფასებელს აქვს სურვილი, შეხვდეს და გაესაუბროს კლუბის აქტივისტებს. ოზურგეთლებმა უკვე დაიწყეს მზადება ამ შეხვედრისთვის - გაიხსენეს მუშაობის შედეგები, იმსჯელეს  ძლიერ და სუსტ მხარეებზე, გამოწვევებსა და  შესაძლებლობებზე.

მათთვის მთავარი ის არის, რომ ახალი პროექტის ფარგლებში ამომრჩეველ ქალთა კლუბის საქმიანობა გრძელდება.  ამიტომ ქალბატონებმა სამომავლოდ გასაკეთებელი საქმეებიც დაგეგმეს.

19 აგვისტოს ჩატარდა ამომრჩეველ ქალთა კლუბის სხდომა სენაკის ქალთა მხარდაჭერის ცენტრში. ქალბატონებს მიეწოდათ ინფორმაცია პროექტის დასრულების შესახებ, ასევე ინფორმაცია, რომ ჩამოდის პროექტის შემფასებელი და მას სურს კლუბის აქტივისტებთან შევედრა.

შეკრებილებმა ისაუბრეს კლუბის ძლიერ და სუსტ მხარეებზე, გამოწვევებზე,  შესაძლებლობებზე და, რაც მთავარია, მიღწეულ შედეგებზე.

სასიამოვნო აღმოჩნდა მათთვის ინფორმაცია ახალი პროექტის ფარგლებში ამომრჩეველ ქალთა კლუბის საქმიანობის გაგრძელების შესახებ. 

ქალბატონებმა მწვავე პრობლემების ადვოკატირება დაისახეს მიზნად ადგილობრივ თვითმმართველობასთან და გენდერულ საკონსულტაციო საბჭოსთან აქტიური თანამშრომლობით.

ეთიკური ნორმების და პიროვნული კულტურის ფორმირება, როგორც იარაღი ძალადობის პრევენციისთვის - ამ თემაზე ჩატარდა ახალგაზრდული კლუბის შეხვედრები  ხონის და ხურჩა/კოკის ქალთა მხარდაჭერის ცენტრებში.

იყო საინტერესო ინტერაქტივი, საუბარი ეთიკაზე და ესთეტიკაზე. ერთ-ერთმა მონაწილე გოგონამ აღნიშნა: „ამ თემას ვერასოდეს დავაკავშირებდი ძალადობასთან და თურმე რამდენად მნიშვნელოვანია შინაგანი კულტურა და ეთიკა, როგორც იარაღი ძალადობის პრევენციისთვის.“

ფოთის ქალთა მხარდაჭერის ცენტრში შეხვედრის თემა იყო - ოჯახში ძალადობა, მიზეზები, ნეგატიური შედეგები და პრევენციული  მექანიზმები.

ახალგაზრდებმა ბევრი მაგალითი გაიხსენეს, ისაუბრეს ძალადობის მიზეზებსა და პრევენციულ ღონისძიებებზე, რომლებიც ასე საჭიროა საზოგადოებისთვის.

ქუთაისის ამომრჩეველ ქალთა კლუბის სხდომაზე შეკრებილი ქალბატონები ინტერესით გაეცნენ ჟურნალს „გენდერული საკონსულტაციო საბჭოები“, სადაც აღწერილია სამწლიანი პროექტის მუშაობის შედეგები და მიღწევები. 

შეხვედრის მონაწილეებმა გააანალიზეს კლუბის ძლიერი და სუსტი მხარეები, ისაუბრეს გამოწვევებსა და შესაძლებლობებზე.

პროექტი დასრულდა, მაგრამ კლუბი მუშაობას განაგრძობს ახალი პროექტის ფარგლებში, რომელიც მოიაზრებს თანამშრომლობას ადგილობრივ ხელისუფლებასთან და პოლიტიკურ პარტიებთან, ქალთა მხარდაჭერას არჩევნებში.

ქალბატონებმა არ უღალატეს ჩვეულებას - ისაუბრეს მოგვარებულ და მოსაგვარებელ პრობლემებზე. ზოგიერთი მათგანი უკვე შეარჩიეს ადვოკატირებისთვის.