ოჯახური ძალადობის მიზეზები, გადაწყვეტის გზები და შედეგები - ამ თემამ შეკრიბა გოგონები და ბიჭები ფონდი „სოხუმის“ ახალგაზრდული კლუბებზე.
ხონის მხარდაჭერის ცენტრში გულახდილი საუბარი გაიმართა. საინტერესო მაგალითები მოჰყავდათ მონაწილეებს თავიანთი ოჯახების ცხოვრებიდან.
კოკის საჯარო სკოლაში ჩატარებულ შეხვედრაზე ისაუბრეს ეკონომიკურ პრობლემებზე, სტერეოტიპებზე, ოჯახის როლზე.
ფოთის მე-4 საჯარო სკოლაში შეხვედრას 20-მდე ახალგაზრდა ესწრებოდა. ისინი
აქტიურად ჩაერთნენ დისკუსიაში და იცავდნენ საკუთარ პოზიციებს.
წყალტუბოს მე-3 სკოლაში პირველად ჩატარდა შეხვედრა, ამიტომ მონაწილეებმა მიიღეს ინფორმაცია ფონდი „სოხუმის“ და ახალგაზრდებთან მუშაობის შესახებ.
ქუთაისის ერთ-ერთ კოლექტიურ ცენტრში გამართულ შეხვედრას ახალი წევრებიც დაესწრნენ. ოჯახური ძალადობის თემის განხილვა აქტიურად წარიმართა. მაგალითებმა გულახდილი ატმოსფერო შექმნა.
სენაკის მე-4 სკოლაშიც ბევრი მონაწილე იყო. ინტერაქტივმა აჩვენა, რომ მოსწავლეეები ნაკლებად არიან ინფორმირებულნი, ამიტომ მეტი დრო დაეთმო ინფორმაციას.
შედეგი შეხვედრებზევე გამოჩნდა - ცვლილებები ახალგაზრდების მოსაზრებებში, ხედვაში, მათ დამოკიდებულებაში პრობლემის მიმართ.
პროექტი ხორციელდება ორგანიზაცია Brot für die Welt – Evangelischer
Entwicklunsdienst მხარდაჭერით (გერმანია)
- როცა ოჯახში ახალი წევრი შემოდის, ის მოდის სხვა სამყაროდან, სხვა ოჯახიდან, სადაც, ბუნებრივია, სხვა წესებია და სხვა ფასეულობებით ცხოვრობენ, ამიტომ ქალებს, სამწუხაროდ, ხშირად უწევთ, უარი თქვან საკუთარ ღირებულებებზე, სხვებს დაემორჩილონ, ან შექმნან კონფლიქტი ოჯახში. უმრავლესობა მორჩილებას ირჩევს და ასე აგვარებს პრობლემებს, - კონკრეტული მაგალითების გარჩევით მიმდინარეობდა ვორკშოპი ქალების ჯგუფთან. 
